အသက် ၈နှစ်အရွယ်ကတည်းက အသင်းအကယ်ဒမီရောက်ရှိနေပြီဖြစ်တဲ့ ရူဘင် ဟာ လက်ရှိအသင်းကြီးမှာ ခြေစွမ်းပြကစားနေပါပြီ။
နာမည်အပြည့်အစုံ –
မွေးနေ့ –
မွေးရပ် –
အရပ်အမြင့် –
ပွဲထွက်ခွင့်ရသည့်နေ့ –
နိုင်ငံအသင်း –
ရူဘင် လော့ဖ်တပ် ချိခ်
၂၃.၀၁.၁၉၉၆ (၂၆နှစ်)
လန်ဒန်၊ အင်္ဂလန်
၆ ပေ ၃ လက်မ (1.91 m)
၁၀.၁၂.၂၀၁၄
အင်္ဂလန်
ပရီးမီးယားလိဂ်ကလပ် Chelseaရဲ့ ပရော်ဖက်ရှင်နယ် ဘောလုံးကစားသမား Ruben Loftus- Cheek ဟာ ကစားပွဲများကို ထိန်းချုပ်နိုင်ပြီး တိုက်စစ်နေရာမှာလည်း box-to-box ကစားနိုင်တဲ့ ကွင်းလယ်ကစားသမား တစ်ဉီးဖြစ်ပါသည်။ သူဟာ အသက် 8 နှစ်အောက်အရွယ်မှာ ချဲလ်ဆီးအသင်းထံ ရောက်ရှိလာခဲ့တာဖြစ်ပြီး 2011-12 ရာသီအစမှာ တင်ပါးဒဏ်ရာမရရှိခဲ့မီအချိန်အထိ ပြိုင်ဘက်များနဲ့ ပရိတ်သတ်များကို စွမ်းရည်တွေနဲ့ အံ့အားသင့်စေခဲ့တဲ့ ကစားသမားတစ်ယောက်ပါ။ ရာသီအကုန်မှာတော့ ပြန်လည်သက်သာလာခဲ့ပြီး 2012 FA လူငယ်ဖလားဗိုလ်လုပွဲစဉ်မှာ လူစားလဲကစားခဲ့ပါတယ်။ Loftus-Cheek ဟာ U-21 အသင်း အတွက် ကစားပွဲ 9 ပွဲနဲ့ 2012-13 ဘောလုံးရာသီ အတွင်း U-18 အသင်း အတွက် 18 ပွဲ ကစားပေးခဲ့ပါတယ်။
ဒါ့အပြင် 2013 ခုနှစ် မေလမှာ မန်ချက်စတာစီးတီးအသင်းနဲ့ ချစ်ကြည်ရေးပွဲစဉ်အတွင်း သူ့ရဲ့ ပြင်းထန်တဲ့ကစားပုံကို အသိအမှတ်ပြုတဲ့အနေဖြင့် ရာသီကုန်မှာ စီနီယာအသင်းရဲ့ ကစားသမားစာရင်းမှာ နေရာရရှိခဲ့ပါတယ်။ Loftus-Cheek ဟာ ချဲလ်ဆီးU-21 အသင်းအတွက် ပရီးမီးယားလိဂ်ပွဲစဉ်ရဲ့ အဓိကအခန်းကဏ္ဍမှ ပါဝင်ခဲ့ပြီး 2013-14 ရာသီရဲ့ FA Youth Cup ပြိုင်ပွဲမှာလည်း အနိုင်ရရှိအောင် စွမ်းဆောင်နိုင်ခဲ့ပါတယ်။
Loftus-Cheek ဟာ သူ့ရဲ့ စီနီယာအသင်းပွဲဦးထွက်ကို 2014 ခုနှစ် ဒီဇင်ဘာလ 10 ရက်နေ့ စတန်းဖို့ဒ်ဘရစ်ချ်မှာ Sporting CPအသင်းအား 3 ဂိုး – 1 ဂိုးဖြင့်အနိုင်ရရှိခဲ့တဲ့ ချန်ပီယံလိဂ်အုပ်စုပွဲစဉ် နောက်ဆုံးခုနစ်မိနစ်မှာ Cesc Fàbregas ရဲ့ လူစားဝင်ရောက်ကစားပေးခြင့်ဖြင့် စတင်ခဲ့ပါတယ်။ 2015 ခုနှစ် ဧပြီလ UEFA Youth League ဖိုင်နယ်ပွဲစဉ်မှာ Shakhtar Donetsk အသင်းကို 3 ဂိုး – 2 ဂိုးဖြင့် ရှုံးနိမ့်ခဲ့သော U-19 လက်ရွေးစင်အသင်းမှာ Loftus-Cheek ဟာ ပါဝင်နေဆဲဖြစ်သော်လည်း ကွင်းလယ်ကစားသမားအနေနဲ့ ဖေဖော်ဝါရီလမှာတော့ စီနီယာအသင်းလူစာရင်းသို့ အပြီးတိုင်ပြောင်းရွှေ့ပေးခြင်း ခံခဲ့ရတဲ့အပြင် အသင်းနဲ့အတူ 2021 ခုနှစ်အထိ သက်တမ်းရှိတဲ့ စာချုပ်သစ်ကိုလည်း ချုပ်ဆိုနိုင်ခဲ့ပါတယ်။ 2016 ခုနှစ် ဧပြီလတွင် အက်စတွန်ဗီလာအသင်းကို အဝေးကွင်းမှာ 4 ဂိုး – 0 ဂိုးဖြင့် အနိုင်ရရှိခဲ့သောပွဲစဉ်မှာ Loftus-Cheek ဟာ အဆိုပါပွဲရဲ့ ပထမဆုံးသောဂိုးလဲဖြစ်တဲ့ သူ့ရဲ့ ပထမဆုံး ပရီးမီးယားလိဂ်ဂိုးကို သွင်းယူနိုင်ခဲ့ပြီး တစ်ပွဲလုံးမှာ စွမ်းဆောင်ရည်ကောင်းတွေ ပြသနိုင်ခဲ့ပါတယ်။
Loftus-Cheek ဟာ နည်းပြသစ် Antonio Conte လက်အောက်မှာ တိုက်စစ်မှူးအဖြစ် ရာသီအကြိုပွဲစဉ်များမှာ Diego Costa နဲ့အတူ တွဲဖက်ကစားခဲ့သည်။ FA ဖလား ပထမအကျော့မှာ အသင်းအတွက် 3-4-3 ပုံစံနဲ့ လိုက်လျောညီထွေဖြစ်အောင် ကနဦးအကျော့တွေမှာ တောင်ပံကစားသမားတွေထဲက တစ်ဦးအဖြစ် ပါဝင်ကစားခဲ့ရပြီး Loftus-Cheek ဟာ ဒဏ်ရာကြောင့် အနားမယူမီ 2017 ခုနှစ် မတ်လနဲ့ ဧပြီလတွေမှာ ပရီးမီးယားလိဂ်လေးပွဲ ကစားခဲ့ကာ ခြေစွမ်းပြနိုင်ခဲ့ပါတယ်။ သူဟာ ချန်ပီယံလိဂ်ပွဲစဉ်တွေ ပြီးဆုံးချိန်မှာတော့ ပြိုင်ပွဲအရပ်ရပ်မှာ 11 ပွဲ ကစားပေးထားခဲ့ပါတယ်။
2017 ခုနှစ် ဇူလိုင်လ 12 ရက်နေ့မှာ Loftus-Cheek ဟာ အခြားသော ပရီးမီးယားလိဂ်အသင်းဖြစ်တဲ့ Crystal Palace အသင်းနဲ့ တစ်ရာသီအငှားစာချုပ် ချုပ်ဆိုခဲ့ပါတယ်။ 2017 ခုနှစ် နိုဝင်ဘာလမှာ ဂျာမနီအသင်းနှင့် ဘရာဇီးလ်အသင်းတို့နဲ့ ယှဉ်ပြိုင်ရမယ့် နိုင်ငံပွဲစဉ်များအတွက် သူ့ရဲ့ ကောင်းမွန်သောကစားပုံကြောင့် အင်္ဂလန်အသင်းသို့ မန်နေဂျာ Gareth Southgate မှ ခေါ်ယူခဲ့ပါတယ်။ Loftus-Cheekဟာ 2019 ခုနှစ် မေလတုန်းက ရရှိခဲ့တဲ့ catastrophic Achilles ဒဏ်ရာမှ ပြန်လည်ကောင်းမွန်လာတာနဲ့ အပြောင်းအရွှေ့နောက်ဆုံးရက်မှာ ဖူလ်ဟမ်သို့ အငှားဖြင့်သွားရောက်ခဲ့ပြီး ပုံမှန်ပွဲထွက်ကစားခွင့်ရရှိဖို့အတွက် စတင်လုပ်ဆောင်ခဲ့ပါတော့တယ်။ ကစားပွဲ 32 ပွဲ ကစားပြီး 1 ဂိုး သွင်းယူကာ ဖူဟမ်တို့ရဲ့တန်းဆင်းရာသီအတွင်း ကစားပွဲများမှာ အများအပြား မျှော်မှန်းထားသကဲ့သို့ ခြေစွမ်းပြနိုင်ခဲ့ပါတယ်။
2024 ခုနှစ်အထိ Loftus-Cheek နဲ့ Chelsea အသင်းဟာ 2019 ခုနှစ် ဇူလိုင်လ 6 ရက်နေ့မှာ ငါးနှစ်သက်တမ်းတိုးစာချုပ်ချုပ်ဆိုရန် သဘောတူညီမှုရရှိခဲ့ပါတယ်။ ယခင်ရာသီကုန်မှာ ဒဏ်ရာရရှိခဲ့တဲ့အပြင် ကိုရိုနာ ဗိုင်းရပ်စ်ကြောင့် 2020 ခုနှစ် ဇွန်လအထိ ပရီးမီးယားလိဂ်မှာ ပြန်လည်မကစားနိုင်တော့ပေမဲ့ ဇွန်လ 21 ရက်နေ့မှာတော့ အက်စတွန်ဗီလာအသင်းနဲ့ ချဲလ်ဆီးအသင်းတို့ မကျေပွဲယှဉ်ပြိုင်တဲ့ပွဲစဉ်မှာ ပြန်လည်ပါဝင်ကစားခဲ့ပါတယ်။ Loftus-Cheek ကို 2020 ခုနှစ် အောက်တိုဘာလ 5 ရက်နေ့မှာ ဖူလ်ဟမ်အသင်းသို့ တစ်ရာသီထပ်မံအငှားချခဲ့ပါတယ်။
Loftus-Cheek ဟာ ခရစ္စတယ်ပဲလေ့စ်အသင်းရဲ့ U-21 အသင်းမှာ အငှားကစားနေစဉ် အင်္ဂလန်အသင်းနည်းပြ Gareth Southgate က သူရဲ့ စွမ်းဆောင်ရည်ကြောင့် Loftus-Cheek ကို အင်္ဂလန်လက်ရွေးစင်စီနီယာအသင်း သို့ခေါ်ယူခဲ့ပါတယ်။ Loftus-Cheek ဟာ 2017 ခုနှစ် နိုဝင်ဘာလ Wembley မှာ ဂျာမနီအသင်းနှင့် ယှဉ်ပြိုင်ရတဲ့ပွဲစဉ်တွင် နိုင်ငံအသင်းအတွက် ပွဲဦးထွက်ကစားခဲ့ပြီး ရလဒ်အနေဖြင့် Man of the Match ဆုကို ရရှိခဲ့ပါသေးတယ်။ အင်္ဂလန်ရဲ့ အဖွင့်ပွဲစဉ်အဖြစ် တူနီးရှားအသင်းနဲ့ ကစားခဲ့ရတဲ့ 2018 ကမ္ဘာ့ဖလားမှာ အင်္ဂလန်အသင်းအတွက် ရွေးချယ်ခံခဲ့ရတဲ့ Loftus-Cheek ဟာ 1 ဂိုး – 1 ဂိုး သရေရလဒ်ဖြစ်ပေါ်နေစဉ် အရန်ခုံကနေ ထွက်လာခဲ့ပါတယ်။ အခက်အခဲတွေကြားကနေ Loftus-Cheek ရဲ့ ထောင့်ကန်ဘောမှ ရရှိခဲ့တဲ့ အင်္ဂလန်ရဲ့ နောက်ကျအနိုင်ဂိုးဟာ Loftus-Cheek အတွက် အားကောင်းတဲ့ ဖြစ်စဉ်တစ်ခုပါပဲ။ Loftus-Cheek ဟာ 2018 ခုနှစ် မေလ ၁၆ ရက်နေ့မှာ ကျင်းပခဲ့တဲ့ 2018 FIFA World Cup အတွက် Gareth Southgate အသင်းရဲ့ လူ ၂၃ ဦး စာရင်းမှာ ထိပ်ဆုံးကနေ ပါဝင်ခဲ့ပါတယ်။
Ben Roberts 
Kyle Macaulay 
Bruno Saltor Grau 
Bjorn Hamberg 
Raheem Sterling 
Pierre-Emerick Aubameyang